To Tame a Land

Dagna pove, tak' kak' je

Već ne verjem kaj to vse zbiva okoli mene! Onaj mali blesavi ratnik, koji si išče kaj mu nehči drugi najde boga kojem bu se klanjal, je imel prav’! Vse v planinama je puno vragova i vražičaka i ve bumo se bili ž njima! Mislim si, pa dobro Dagna, kaj ti je to ve trebalo, kaj ti je vudrilo v glavu da si dišel z svoje lepe i tople špilje, a onda si bole razmislim, no ipak su tu vukovi, zajčeki, medvedi i vsa ta malena bića prirode koja si ne zaslužiju da ih ove nemani potamane. Poradi njih si tu, bukva jen’a, zato buš se ‘bil’ z vragima i demonima i z čim vse ne.
Zadnjih par dni je bilo hujše neg’ prej, al valda je vodilo k tom rudniku iz kojeg sile nečiste šire svoju bolest, svoju pakost po selima i šumama, evo kaj se je zblio:

Predi par dni nas je jen’ drugi čovek od prirode, šaman Imš, poslal po sastojke za svoj nekši ritual. Nakon kaj smo pobedili snežnega čoveka i njegovoga brzega i ubojitega tigra (koji me lepo zderal po leđima, da ga se još i denes zmislim) v šumi kraj Rolena i nekše sluzavo i kiselo stvorenje koje je živelo v reci kraj Timbla, smo zeli od tih stvorenja kaj nam je trebalo za ritual i vrnuli smo se nazaj Imšu v Rolene. Tu se naš mladi ratnik suzdržal od bedarija dok je šaman počel’ pućkati v lulo i pričati z duhima. Meni se je pomalo vrtelo v glavi, prav’ da velim, al jedini duh kojega sam videl je bil’ jen’ čovek koji je počel kričati z magijom prema nama, i prizivat’ nas v okrutnu stvarnost. V kaosu koji je nastal’, moj’ kumpanjon vilenjak pošteno okrznul toga čoveka, al’ on je bacil i drugo glasno magijo. Koja me zažigala već neg’ najhujša vatra! Okoli mene je vse gorelo, a Xsandosu i Avaronu je to bilo preveč i su ne zdržali takšo vatrenu stihiju. Spekli su se i vmrli…
Tu bi bil’ kraj svemu, da se šaman ne zmislil’ jen’e magije koja nas je hitila 2-3 dni hoda od Rolena. I to samo v jen’oj sekundi! A k tome mi je dali i masti i napravil novega rituala z kojim je vrnul život v moje poginule kompanjone. Dok sam si našel vremena kaj se oglednem, novi šok! Xandosova sovica je to ne bila! O božica moja, Mieliekki, zakaj se to meni vse događa! Sam ne veroval kaj vidim! Ona vatrena magija je ubila malenega vražička koji je glumil’ da je Xandosova sovica! Jedina je sreća bila kaj je ta sovica bila živa v vrečki od koju je taj isti vražičak mel’ oko svojega pasa.
Posle vsih tih šokova smo se seli i pospominali se kak’ ljudi i trebaju. Imš je v delu svojega rituala prije neg nas je onaj čovek, Tempusovac Taurus omel’ saznal da su duhi z planine di je rudnik vrlo besni i vznemireni. Sada je pak tu bilo više problema i pitanja. Kaj je taj Taurus imal z plemenima kaj su se bunila po celoj međi med pet sela, ja si mislim da ih je on ne gural v službu vragima. Jer da je, onda valda ne bi ubil tog vražička koji nas je špijuniral dok je glumil’ sovicu. Zatim je blo sledeće pitanje, kaj nisu ti vragi z rudnika, koji su harali po šumama i gorama, već kontrolirali orkove, te probali kontrolirati plemena koja su bila v spregi z Taurusom. Dal’ znaju vragi i Taurus jeni’ za druge, da nisu nekši saveznici. Preveč je toga nepoznatega, pa smo izbegavajuć’ novu borbu z Taurusom krenuli nazaj v rudnik.
Celi prvi dan puta prema rudniku je bilo mirno, i taman da smo si našli lepo mesto za spat’, nekaj se moralo zgoditi. Ovega puta bum bedakom nazval vilenjaka. Prvi je stražil’, a dok si je vmoril, je zbudil Eirika kaj on postraži. Mlad, ne vidi v mraku, i preveč neiskusan. To je bilo i več neg’ dost’ patroli snežnih goblina kaj ga spazi, privuče mu se i iznenadi ga. Mudro su ga zabavili bacajući mu snega na glavu, pre neg’ su skočili dole k njemu i počeli mu biti po kolenima. Razvila se kratka borba koju smo ipak mi dobili, i tu borbu i pouku: naj staviti slepca kaj gleda za tebe!
Drugi dan puta smo bez nekših problema dovlekli i sebe žive do planine i uz planinu. Dok smo prelazili skliske delove tega puta uz brdo, sam si razmišljal da se pak vežem užem i idem polako, kada sam osetil’ nekaj čudnega. Rasle so mi kandže na rukama, dlake na leđima (uz one koje sam već mel) i očnjaci v ustima, pretvoril’ sam se v snežnega leoparda! No nisam se osetil zarobljen v telu te prelepe zveri! Naproti, bil’ sam sloboden! Z velikom lakoćom sam se popel uz brdo i planinu i krenul pred mojim kompanjonima istraživati put. O, kak’ se je bilo lako šunjati i skakati prek kamenja prekritega z snegom! No moral sam se pribrati i paziti kaj mi moja sreća ne pomuti pažnju koju sam trebal usmerit’ putu k rudniku.
Dok smo prišli blizu rudnika, mi je moj novi mačji instinkt rekel da je i ovaj put nekaj čudno v zraku. Zato sam našel’ put gore, na kosu iznad ulaza v rudnik i oprezno posmotril’ kaj tam ima. I bilo je nekaj! Štiri orka su stražila, a okoli njih je pak letel nekši mali vražičak! Još jen’! Kaj nas tek nutri čeka! Dok sam to videl, brže-bole sam se vrnul’ nazaj k drugarima! Tu sam se vrnul v svoj stari oblik i povedal im kaj sam videl. Brzo smo se dogovorili kaj bumo napravili (začudo!) i krenuli napasti stražu…
Tu nas je ipak onaj vražičak prvi videl i počel gađati z nekšim bockama! Bukva me zderala pošteno v rame, no dok je krenul bežat’, Xsandos ga je oslepil z magijom, pa je ov’ pobegel nekam drugam, verjetno da umre sam i slep (haha, vrag te zel’ sebi nazaj!). Ja sam za to vreme z snagom prirode zadržal orkove gore na kosini, a vilenjak ih je poskidal z strelama. Ni bil’ baš preveč precizan, no mel je dosta strela, a moje bilje i tu i tam neki grom kaj sam prizval su obavili svoje! Mislili smo da smo iznenadili ove v rudniku, no tu bum titulu bedaka vrnul Eiriku, jer je počel kričati i zvati vse kaj je ikad postojalo na toj božjoj planini kaj nas napadne. Dok su se vrata rudnika odprla izletel je pak veliki snežni trol skupa z goblinima i orkovima. Bilo je čudno kaj su se držali bole neke taktike koju kaj da je Eirik zamislil, i dobro im je išlo, a onda je Xsandos prizval svoje dve nemrtve nemani, a ja velikega vuka. V žestokoj borbi, Eiriku je bilo hudo v želučeku, velda mu je trolov hraček nekaj napravil’, pa se jedva mical z mesta v toj borbi, no leševi i zver koju smo prizvali čarobnjak i ja su okružili protivnike, i još strela vam’, munja tam’ i brzo se vse stišalo.

Tu ja ve stojim pred odprtim oknom rudnika i leševima trola, orkova i goblina… I razmišljam si, kaj mi je to trebalo…

Comments

Martin

I'm sorry, but we no longer support this web browser. Please upgrade your browser or install Chrome or Firefox to enjoy the full functionality of this site.